फळांचा...... चापून घेतलेला समाचार ....!!! --१

                                                                     //  फळांचा...... चापून घेतलेला समाचार ....!!! // --१  

                                                                       .......................................................................

                                                          // कर्मण्ये  - वाधिकारस्ते मा फलेषु कदाचन ....!!-- असे म्हणतात .// 

                                                         .......................................................................................................

 

 

   नारळ --१

-----------------

कोणत्याही कार्यक्रमाचा शुभारंभ ''नारळ '' वाढवूनच केला जातो.त्यामुळेच त्याला ..श्रीफळ असेही म्हणतात.त्याचे मातेस तर-- कल्पवृक्ष असे संबोधले जाते .नारळाशिवाय खरे तर पान हलत नाही .कारण विड्याच्या हलक्या फुलक्या पानावर तर तो कायम विराजमान असतो.जणू त्याचे वाहनच .बिचारे  पान त्याच्या सहवासाने सुरवातीला  हरखून जाते खरे पण  नंतर त्याच्या अवजड भाराने कोमेजतेही .

  गृहिणीच्या तर हा कायम हाताशी असतो एखाद्या आज्ञाधारक मुलासारखा .बर्फी करा - चटणी करा वा दीपक पाचक अशी आमसूल घालून  सोलकढी करा  ---------अन जेवणावर --हवा- तसा बिनधास्त ताव मारा .त्याच्या नावाची खास --नारळी- पोर्णिमा सुद्धा श्रावणात  असते .मग काय तो त्यादिवशी गोकुलातच नांदत असतो. स्त्रियांच्या ओटीत तर याला कायमच अढळ असे मानाचे स्थान असते . 

 

 लग्नात ''व्याही भेटीत ''  पट्ट्या दोन्ही बाजूच्या सर्व मानाच्या पानांचा समाचार.. एकटाच की हो घेतो .त्यावरूनच त्याच्या सुप्त शक्तीची कल्पना येते . -----त्यामुळेच कोणाला नकळत निरोप द्यावयाचा असेल तरी  त्याचे हातावरी ''महाशय -'' शालीचे उबेत तोंड लपवून  रुबाबात बसून ,यजमानांचे   डोळ्यात मात्र  पाणी आणतात हे नक्की .

आणि हो पावसाळ्यातील खवळलेल्या समुद्राचे पोटात बेमालूम  शिरून त्यालाही वठणीवर आणून दर्यावर्दी बंधूंचा सागरी मार्ग खुला करतो.

लग्न समारंभ -- गणपती उत्सव --यावेळी तर याच्या भाऊ बंधांची तर ही -----गर्दी होते की काही विचारू नका .नवरात्रातपण हे महाशय रात्र रात्र जागवून काढत त्या महिशासूर -मर्दिनी  देवीचे दर्शनही  अगदी तीच्या गळ्यात पडूनच घेतात.केव्हडे हे..... धैर्य अन शौर्य .

 

...''कोवळ्या'' अश्या नाजूक - वयात तर हे आपला बाजारच रस्तोरस्ती मांडतात.देवळे अन हॉस्पिटल्स ही त्यांची ''इराणी हॉटेल '' प्रमाणेच मोक्याची हेरलेली   ठिकाणे असतात .आजारी रुग्णांना तर हे ''संजीवनच ''ठरतात .अन उन्हाळ्यात तर पान्थस्थानच्या  घश्याला , एव्हर -रेडी राहून   थंडगार - मधुर अश्या  हृद्य --नैसर्गिक -पाण्याची ''ओंजळ '' ( -प्लास्टिकच्या बाटली मधील  - बिसलेरीच्या ..श्री -मुखात भडकावून देतच )------------- रिती करण्यातच धन्यता मानतात .

     

                                                  त्यामुळेच ----

                                                                कोकणची माणसे ---साधी भोळी ----

                                                                 काळजात त्यांच्या भरली----- शहाळी-----------------

 

                                                 या शब्दानाही कर्णमधुर असे   स्वर-माधुर्य प्राप्त होते ते वेगळेच.

                                                                ----------------------------------------

 

                                          डॉ.अरविंद वैद्य

                                              अमेरिका

                                         २ ऑगस्ट २०११

                                              मंगळवार 

                                                       

 

अमेरिकेच्या ---- '' इस्ट '' ----- वाटेवर //

                                                                                                                                                                   डॉ .अरविंद वैद्य                                                                                           

                                                                                                                                                              दिनांक - २५  एप्रिल २०११

                                                                                                                                                                           पुणे                                                                              

                                                                   // अमेरिकेच्या ( ''  इस्ट  '' )  वाटेवर //

                                                                         ********************************

                                 आमच्या आयुष्यतील  विमान प्रवासाची '' ह्यात्रिक '' यंदाच्या अमेरिकेच्या विमान प्रवासाने होत आहे .

                                                                       याचा वेगळाच आनंद आहे .

                  वेळेच्या बाबतीत  भारताच्या  '' मागे '' राहूनही हा अमेरिका   देश एव्हडा आघाडीवर कसा आहे बर  ?...... याचा'' मागोवा '' घेण्याची उत्तम संधी    '' मिलिंद -प्राजक्ता ''    यांनी मराठी नव वर्षाच्या प्रारंभी   उपलब्ध करून दिली आहे .यासंधीचे '' सोने '' कसे करता येईल हेच आता पाहायचे आहे.    नाहीतरी या  सोन्यासारख्या संधीची '' चांदी '' झाली तरी आनंदी आनंदच आहे . 

                                  प्राथमिक पण    कट - कटीची  '' पूर्व '' तयारी व्यवस्थित  पूर्ण झाल्याने, '' पश्चिमेकडील '' गोष्टींचा उलगडा यथावकाश सुलभ पणे  होईल   अशी खात्री आहे.

            '' लुफ्तांझा '' या  कंपनीच्या LH - 765 * या फ्लाइटने दिनांक  .... २८ एप्रिल २०११ रोजी भल्या  पहाटे  मुंबई --- सहारा  वरून भल्या पहाटे    १.१० वाजता आमचे विमान अमेरिकेकडे प्रस्थान करेल .व '' २८ एप्रिल २०११ रोजी दुपारी ३ चे '' सुमारास अमेरिकेच्या भूमीवर  .....वाशिंगटन   येथे  आमचे ------ पहिले वहीले पाऊल पडेल .

                           सर्वच पहिल्या गोष्टींची उत्छुकता माणसाला असते तशीच  आमची अवस्था  झाली  आहे. .अमेरिका व  अमेरिकेतील आपले सगे          सोयरे यांच्या भेटीस आतुर..........!!!!!!!

                  टी.वी. वरील '' मृण्मयीच्या '' शब्दात सांगायचे  तर,  आता तर ......     ''लई भारी वाटतंय '' ........ !!!!!!!!!  ....आणि काय सांगू...?..

                                                               बाकी नंतर सर्व तेथूनच --- '' थंड '' डोक्याने   सुचेल तसे कळवूच.

                           अनुष्का - अश्विनी - मंदार यांच्या बरोबरच्या'' इंग्लंड ''अबिंग्डन  मधील मधुर  ''आठवणी '' धूसर होत नाहीत - तोच

                  मिलिंद -प्राजक्ता बरोबर राहण्याचा व  अमेरिकेच्या प्रवासाचा ' दुग्ध - शर्करा ' असा  योग ४-५ महिन्यातच  लवकर  जुळून आला आहे.

                 आणि  नव्या पर्यटन '' अध्यायाचा '' शुभारंभ नव्या मराठी वर्षाच्या  प्रारंभीच आणि तोही   '' अक्षय तृतीयेच्या '' आगामी  शुभ मुहूर्तावर                 

                                                                  होत आहे यातच  '' अक्षय '' आनंद भरून राहिला आहे .

 

                                     

                                 डॉ .अरविंद व सौ जयश्री 

                                             वैद्य 

                                     '' अधांतरी  '' 

                                 *********************       

'' ४ जुलै ''--अमेरिकेचा स्वातंत्र्यदिवस '' अमेरिकेचा--- अचंबित करणारा इतिहास ....//

-- स्वराज्य हा माझा जन्म सिद्ध हक्क आहे व मी तो मिळविणारच ...! हा टिळकांचा करारी बाणा.
                 तर --अहिंसा परमोधर्म ---हा तर  गांधींचा - बालपणापासूनचा हट्ट..!
                             

                या दोन युक्तीच्या गोष्टींमुळे चतुराईने--- 'ब्रिटिशां पासून ' भारताला मुक्त केले .
                                              
                 त्यामुळेच --'' मेरा भारत महान ''....!! म्हणण्याची स्फूर्ती येते .

                अमेरिकेतील जनतेच्या दृष्टीने त्यांच्या   ---- स्वातंत्र्याचा हिरो

                '' जॉर्ज वाशिंग्टन ''

                George   Washington---- "first in war, first in peace, and first in the hearts of his countrymen

                " Historical scholars rank him as one of थे---- greatest United States presidents.''....!!

----महाकाय स्वतंत्र  लोकशाही  अमेरीका ...खंडाचा इतिहास जाणून घेताना या देशाचा - पांढरा -लाल -व नीळा या  

                  तीन रंगाचा ध्वज बरेच कांही सांगून जातो .झेंड्या वरील लाल पांढरे  एंकसारख्या रुंदीचे १३ पट्टे.... मूळ अमेरिकन  वसाहतींचे दर्शक आहेत .तर कोपऱ्यातील  निळ्या रंगाचे चौकोनातील ५० पांढरे  स्टार्स हे या देशातील राज्यांची संख्या दर्शविते. स्वातंत्र्य - समता आणि बंधुता या त्रिसूत्रीवर अमेरिकन जीवनपद्धती आणि मानसिकता आधारित आहे.     

                             

                  १७७५ मधील ---पहिल्या युद्धानंतर फ्रान्सच्या मदतीने ''  ब्रिटीशांच्या   '' जोखडातून मुक्त झाले .४ जुलै १७७६ हा अमेरिकेचा जन्म दिवस .जेमतेम.... २३५ वर्षाच्या कालावधीत......   ख्रिस्तोफर कोलंबसाची ही  अमेरीका .... १९९१ मध्ये माहिती तंत्र ज्ञानाच्या मदतीने उच्च पदाला पोहोचली .यशस्वी लोकप्रिय  योद्धा -- जॉर्ज वाशिंगटन --विद्वान वकील  अब्राहम लिंकन --अंतराळ युगाचे जनक जॉन एफ केनेडी ---रेगन ---क्लिंटन --बुश ---ते आताचे पहीले--- आफ्रिकन अमेरिकन प्रेसिडेंट-- हार्वर्ड विद्यापीठ  पदवीधर .... बराक ओबामा यांनी आपापल्या कर्तुत्वाने व देशप्रेमाने  अमेरिकेचा आज   तागायतचा यशस्वी  इतिहास जगापुढे ... नावारूपास  आणला  आहे .
                  मार्टिन ल्युथर किंग ( ज्युनिअर )हाही अमेरिकेच्या इतिहासातील १९६४ चा.... नोबेल पीस- प्राईज विजेता-- ब्ल्याक अमेरिकन. गुलामगिरी संपविणारे..... अब्राहम लिंकन व तरुण राजबिंडे.... जॉन एफ केनेडी या गुणी- जनांची  माथे -फिरूंनी  केलेली हत्त्या हे -ऐतिहासिक '' कलंक '' येथील गोरेपणावर चांगलेच उठून --( खुपून ) दिसतात .
                  विस्तृत भू भाग -विलोभनीय सृष्टी सौंदर्य -अत्याधुनिक यंत्र सामग्रीचा सुयोग्य वापर आणि उच्च शिक्षणाचे.... खुले महाद्वार यामुळे अनेक परदेशस्थांना  येथे येण्याचा मोह.. न झाल्यासच आश्चर्य . वक्तशीरपणा -वाहतुकीची--- करडी  शिस्त -सार्वजनिक स्वच्छता - दैदिप्यमान -- इतिहासाची भव्य म्युझियम्सद्वारा केलेली जपणूक आणि व्यक्तीच्या योग्यते नुसार जगातील... उंच असे स्मारक  बांधून  त्याच्या त्यागाला   आणि विद्वत्तेला योग्य तो दिला जाणारा मान येथे पहावयास मिळतो . संशोधनाच्या असंख्य संधी येथे उपलब्ध आहेत .
                  कॉम्पुटरच्या अलौकिक शोधामुळे येथे ..''.वर्क  फ्रॉम होम '' -- फोर्मल ड्रेस --  ही संकल्पनाही उदारपणे स्वीकारली  गेली आहे .प्रत्येकाच्या गुणवत्तेला येथे--- वाव आहे व... उत्कृष्ट  कामाचे भरघोस.....दामही आहे .येथील आय बी एम कंपनीने एवढ्यात शंभरी गाठली आहे . जग भराच्या जिव्हाळ्याचे तसेच विवंचनेचे  --- पेट्रोलचे भावाची चढ उतार येथे...... तर सोन्याचे भाव लंडन मध्येच  ठरतात .

                  माणसाला पक्ष्याप्रमाणे...... विहंगम दृश्याचा अनुभव घेण्याची.... कायम स्वरूपी व्यवस्था करून ठेवलेल्या  राईट बंधूच्या प्रेरणेने आतापर्यंतच्या  - भल्या मोठ्या बोईंग विमानापासून - ते -- खिश्यातील मोबाईल पर्यंतच्या  असंख्य दैनंदिन लागणाऱ्या  सुख  सोयींच्या शोधांच्या या  जननीने ---राईट बंधू... ते बिल गेट्स या सारखे  असंख्य सुपुत्र दिले आहेत . जगभरातील...... मानवी विद्वत्तेच्या  .... हिऱ्यांना उत्कृष्ट पैलू पाडण्याचे काम येथील--- समृद्ध अश्या विद्यापीठातून चालते .आणि त्यातूनच जगप्रसिद्ध...असे .... नोबेल *- ऑस्कर *- विम्बल्डन *-  कान्स* --असे--- अवार्ड  विजेते--या  मावळतीकडेही.... उदयास येत आहेत.
                  हे पाहूनच आता पूर्वेकडील.. चीन -जपान ....मधील विद्यार्थीसुद्द्धा आपल्या पारंपारिक भाषेच्या...पाश्यातून मोकळे होऊन इंग्रजी भाषा आत्मसात करीत आहेत व या भाषेच्या ...सुताचे जोरावरच---- पश्चिमेकडील ..स्वर्गाचे दार असंख्य.. भारतीयांप्रमाणे ठोठावू  लागले आहेत .मातृभाषेतील शिक्षणाच्या  नाण्याची दुसरी बाजू----- इंग्रजीची असली की ते खणखणणारच यात आता शंका राहिलेली नाही .
                  याच मोहाने अमेरिकेच्या वाटेवर असंख्य... इच्छुकांची भाऊगर्दी- देशातील पासपोर्ट ऑफिसमध्ये पहावयास मिळते .तेथील.. सत्व परीक्षेत --तावून सुलाखून जो उ-तरतो ... तो --- जी आर इ  // टोफेल ... चे अडथळे पार केलेला जिज्ञासू --- विद्यार्थी येथे आल्यावर  आपल्या ज्ञानाचे.... सोने करतो अन ....डॉलर कमाईस-- पात्र ठरतो .
                  येथे सध्यातरी दक्षिण भारतीय..विद्यार्थी , गुजराथी...व्यापारी मंडळी व पंजाबी .. हॉटेलओनर्स प्रामुख्याने   अमेरिकेत  विखुरलेले पहावयास मिळतात .त्यामुळेच एव्हड्यात अमेरिकेने आपली कौन्सिलेटही .... हैद्राबाद येथेही उघडली आहे .

                  असे  हे आधुनिक.. .. 'श्रावणबाळ' आपापल्या '' दीर्घदृष्टीच्या '' आईवडीलांना  '' ऐटीत '' या मोहमयी माया नगरी ---अमेरिकेची-वारी घडवून आणल्याचे--भरघोस  पुण्य गाठीशी बांधण्याचे तयारीस लागतात, ते येथील आपल्या  भटकंतीतल्या -- प्रेक्षणीय स्थळी दृष्टोत्पत्तीस पडते .पालकांच्या चेहऱ्यावरील  मनस्वी समाधानाच्या.. प्रतिमांचे प्रतिबिंबही  क्यामेर्याच्या क्लिकने  कायमचे  बंदिस्त होते ते पुनःपुन्हा--- मायदेशी.. '' उजळणी '' करण्यासाठी व सुहृदांनाही....आभासी (virtual ) अमेरीकावारी घडविण्याचे...प्रेझेंटेबल ... प्रेझेंट देण्यासाठी .

                  अश्या अचंबित करणाऱ्या ----अमेरिकेस ..४ जुलै च्या.. वर्धापन दिनानिमित्त  हार्दिक शुभेच्छा ...!!!!!!!

* अमेरिकेतील - चॉकलेटच्या बंगल्यातील सफर-------------------

                            

   असावा सुंदर चोक्लेटचा बंगला --------
   चंदेरी -सोनेरी चमचमता चांगला -----
                                           असा बाल-- विश्वातील भला मोठा--'' बंगला ''आज प्रत्यक्षात अमेरिकेतील पेनसिल्वानिया राज्यातील -- हरशी येथील चॉकलेटच्या  फ्याकटरीच्या रुपामध्ये बालचमुंच्या समवेत पहावयास मिळाला .आणि तो दिवस लहानपणच्या विश्वात हरवून गेला .
                                           हंडन -व्हर्जिनिया --मेरील्यान्ड --नंतरच्या पेनसिल्वानिया राज्यातील ''हरशी ''येथे तीन तासाच्या कार प्रवासाने १२ चे सुमारास दाखल झालो .तेथील प्रवेशद्वारावरील आकर्षक फलकच आपल्याला आगामी चॉकलेटी सफरीची चुणूक दाखवितो.कार पार्किंगसाठी त्या भल्यामोठ्या पार्किंगलॉट मध्ये--- जागाशोधून कार पार्क करणे हे येथील कलाकौशल्याचे --आन्हिक--- उरकून घेतले .समोर  दूरच्या टेकडीवरील  हिरवळीतील ''WEL-COME TO HERSHY '' अशी पांढरी - अक्षरे  दुरूनच  दूरदेशींच्या ---- सगळ्या बाल राजकुमारांचे स्वागत करीत होती .
                                           समोरच एक लाल पांढऱ्या रंगाची आकर्षक  टर्याम आम्हास लवकर येण्यास खुणावत होती.असंख्य लहान थोर मुलांचे रंगीत कपडे व सर्व पालकांचे चेहऱ्यावरील उत्छुकता स्पष्ट दिसत होती .पोपटी रंगाचा रुबाबदार पोशाख केलेल्या चालकाच्या त्या ट्रोलीत बसून आतील फयाकटरीच्या मुख्य दालना जवळ ५ मिनिटाच्या प्रवासातच आलो . तेथील  चॉकलेटी रंगाच्या भिंतीवर-- ''HERSHY'S -GREAT AMERICAN -CHOCOLATE -WORLD TOUR ''या पाटीकडे पाहताच क्यामेर्याची कवाडे उघडली.तेथे अजून एक वैशीष्ठ्य नजरेत भरले ते  म्हणजे --बाहेरील-भागातील '' कव्हर्ड प्र्याम पार्किंग लॉट '' लहान मुलांच्या चार चाकी ..कार्स येथे ओळीमध्ये  ...आज्ञाधारक लहान मुलां प्रमाणेच-- गुपचूप आपल्या बाल- मालकाच्या प्रतीक्षेत  उभ्या होत्या .
                                           सगळ्यांची पावले आता त्या-- अदभूत विश्वात रमण्यास वळाली.सुरवातीस चॉकलेट ज्या फळापासून बनते त्या अननसाप्रमणे असणाऱ्या कोको - फळाची  झाडा पासून कशी तोड केली जाते याची माहिती टी .व्ही .वरील फिल्म मध्ये आपणास मिळत रहाते .या पिवळसर रंगाच्या फळातून  फणस बी प्रमाणे दिसणाऱ्या बिया वेगळ्या करून त्या वाळवतात.हे बी-- कडवट चवीचे असते .त्याची वर्गवारी करून वाळलेल्या बिया कारखान्यातील बेल्टवर पसरून त्यांचा चोकलेटी प्रवास सुरु होतो.त्याची बारीक भुकटीत-पावडर बनते .त्यात शुद्ध दुध व साखर यांचे मिश्रणाने संपूर्ण यांत्रिक प्रक्रियेने विविध आकाराचे चॉकलेट्स बनलेले व त्याचे लहान मोठी आकर्षक प्याकिंग बाहेर येई पर्यंतचा सर्व प्रवासाचे दर्शन आपल्याला तेथील अंधाऱ्या--- गुहेमधील  ट्रोलीच्या प्रवासाद्वारे पहावयास मिळते . या अदभूत दुनियेची सफर '' प्रत्येकास खमंग सुवास व   ''चोकलेटचे  दोन लहान मोदकांचा प्रसाद देऊन  मोठ्या आनंदाचा ठेवा मिळून केंव्हा संपते हे कळतही नाही .विनामूल्य----- सफरीचे दार आता उघडते ते------'' विविध मूल्य'' असलेल्या---- चोकलेटच्या खऱ्या मॉलमध्ये .

                                           येथे आपापल्या आवडी निवडीनुसार मनसोक्त  चॉकलेटची खरेदी केल्याशिवाय बाहेर पडण्याचा मोह आवरता येत नाही . चॉकलेटच्या आकाराची खेळणी -टी शर्टस -की चेन्स -बॉल्स-याचीही हौसेने खरेदी होते . बाहेर येवून तेथील रंगीत फुले व हिरवळीच्या सहवासात  आपणास पोट पूजा - करण्याची आठवण होते .आजू बाजूच्या नयनरम्य वातारणात फिरत असतानाच परतीच्या---- कडवट--- औषधाचीही  आठवण होते.
                                                                  
                                           '' अननस आहे जात फळाची खाण्या लागे फार मधुर --------

                                           आगगाडीही जलद धावते निघतो तीच्या बंबी धूर --------''

                                           या बाल गीताचीही आज प्रकर्षाने  आठवण झाली . अननसा प्रमाणे दिसणाऱ्या --परंतु  कडवट चवीच्या फळातील बियांपासून  तयार होणाऱ्या  व लहानथोरापर्यंत सर्वांच्याच   पसंतीस उतरलेल्या मधुर अश्या '' चोकलेटी दुनियेच्या रम्यआठवणी ''- खिसा भर -भरून घेतच  आम्ही  तिचा निरोप घेतला तो------ चोक्लेटचा  रसमधुर आस्वाद  घेतच.

                                                                                ................................................

// अमेरिकेतील --नव्हे जगातील उंच स्मारक //

 

                               साद--------- देती हिम  शिखरे----- शुभ्र पर्वतांची ---------/
                              हिमालय हा नैसर्गिक उंच पर्वत आहे .त्याची बरोबरी तर करणे केवळ अश्यक्य .पण माणूस हा मोठा कल्पक प्राणी आहे .तो आपल्या कल्पकतेने  निसर्गाची बरोबरी करू पहातो आहे.याची साक्ष म्हणजे ''वाशिंग्टन  येथील ''वाशिंग्टन मोन्युमेंट '' हे --- ५५५ फुट उंच--- संपूर्ण   मार्बल -ग्र्यानाईटचे --- येथील  लोकप्रिय महान योद्धा  -- जॉर्ज वाशिंग्टन  याचे  स्मरणार्थ उभारलेले  जगातील उंच  प्रसिद्ध  स्मारक .
                              देश मोठा--- की माणूस --खरे तर देशातील  थोरामोठ्या माणसांमुळेच तो देश आपोआप मोठा  होत जातो.लोकप्रिय  योध्याने----- ब्रिटन बरोबर झालेल्या युद्धात विजय मिळवून अमेरिकेस स्वतंत्र केले व अमेरिकेचा पहिला प्रेसिडेंट होण्याचा मानही पटकाविला .
                              वाशिंग्टन येथे आल्यावर या स्मारकाचे प्रथम दर्शन घेतल्यास त्यावरून  आपोआपच संपूर्ण वाशिंग्टन शहराचे गरुड भरारी -दर्शन घेता येते . फ्री एन्ट्री -असली तरी आपली तिकिटे व त्यास द्यावयाच्या भेटीची वेळ ठरवून घ्यावी लागते .

                              एका भव्य अश्या विशाल मैदानावर -- सभोवतालच्या हिरवळीवर उत्तुंग चौरसाकृती  संगम रवराचे स्मारक.वरील टोकाचा भाग निमुळता पिऱ्यामिड सारखा .  भोवती अमेरिकन झेंड्यानी अखंड  फेर धरलेला आहे .बसण्यासाठी संगमरवरी लांबलचक बेंच .आपआपल्या वेळे नुसार आत एन्ट्री मिळते .आत मधील ए .सी .लिफ्टमधून एका वेळेस १० -१२ जणांना वरपर्यंत घेऊन जाते. तेथून चारही बाजूचे अखंड  विहंगम दृश्य पाहण्यास जाड काचेची मोठी तावदाने.त्यामधून संपूर्ण शहराचे विहंगम नेत्र सुखद दर्शन उंचावरून पाहण्यास मिळते .

                              रात्रीचे अंधारात आजू बाजूची  सर्व मुख्य स्मारके दिव्यांनी उजळून निघतात .दिवाळीतील सुंदर भव्य किल्ला पहावा तसे भासते .एका बाजूस युएस कॅपिटोल---एका बाजूस व्हाईट हाउस '----तिसऱ्या बाजूस असणारे वॉर मेमोरियल अन लिंकन मेमोरिअल ,अन चौथ्या बाजूस जणू बेटावर असल्याचे भासणारे  पोटोम्याक नदीच्या-- कुशीतील '' रोनाल्ड रेगन  डी. सी. विमान तळ ..एका बेटावर असल्याचा भास होतो .विमानांचे ल्यानडिंग -व फ्लाइंगही किल्ल्यातील  चिमुकल्या विमानाप्रमाणे मोहक  दिसते .'' टायडल बेसिन '''हे बेसिनच्या आकाराचे मोठे तळे व सभोवती जपानी-- चेरीची बाग .
                              १८४८  ते १८८४ या काळात बांधल्या गेलेल्या व मध्येच फंड्स अभावी खंडित झालेले हे स्मारक त्यामुळे दोन रंगाच्या मार्बल मध्ये तयार झालेले दिसते .

                              हे स्मारक पहात असताना--  ब्रिटनचे आयकॉन असलेले ---''लंडन आयच्या ''पारदर्शक कॅप्सूल्स मधून पाहिलेल्या लंडन शहराच्या -  २००७ मधील सुखद  स्मृती जागृत झाल्या .
                                                               

                              दुसरी आठवण झाली ती-- १९८६ च्या --- ''संगे मरमरका --आग्र्याच्या ताज महालची .एक आहे शुभ्र धवल असे पत्नीवरील निस्सीम प्रेमाचे प्रतिक व कलाकुसरीचा असामान्य  नमुना तर  हे---- आहे  देशभक्तावरील पराक्रमाच्या --अभिमानाच्या उच्च पराकोटीची परीसीमा.आजही  ह्या स्मारकाचे रुपात-- ताडासनात-- उभे राहून जॉर्ज वाशिंग्टन आपल्या देशाच्या संरक्षणाची जबाबदारी अविरत  पार पाडत असल्याचे दिसते ,आणि '' मरावे --परी कीर्ती रुपी उरावे ''....!! या शब्दांना खरा अर्थ प्राप्त होतो तो यासारख्या देश प्रेमींच्या स्वार्थ त्यागाने .  

                                                              
                              मनसोक्तपणे--- वरील दृष्ये कॅमेऱ्यात साठवून ठेवत व डोळाभरून पहात वेळ कसा जातो ते कळतही नाही .जगातील एका ऐतिहासिक वास्तूच्या सहवासाची.... खुणगाठ मनाशी बांधून व--- पर्यटन खात्यात जमा करून  परतीच्या लिफ्टसाठी कांही पायऱ्या उतरून यावे लागते .खाली येताना त्या मनोऱ्याच्या आतील बाजूसही काही अप्रतिम कलाकृतीच्या कोनशिलेचेही दर्शनही गाईड आपणास दाखवीत असतो .खाली येऊन पुन्हा त्या वास्तूची------'' टोक केलेल्या पेन्सिली '' प्रमाणे दिसणाऱ्या प्रतिमेसह फोटो काढून त्या थोर स्मारकाचा आम्ही निरोप घेतला .आणि अमेरिकेतील एक रात्र -- ''अरेबियन नाईट ''च्या --- आविर्भावात  संपुष्टात  आली.

// कलाविष्कार //

                                               //  कलाविष्कार //  ---

                                                                                        
    ......................................                                                                                             मनुष्याच्या अंगी नाना कला असतात .कोणी कलाकार तर कोणी न-कलाकार -नाटककार -चित्रकार -पत्रकार ई .त्याची जाणीव प्रत्येकाला यथावकाश होते त्यानुसार तो आपली जडण करत राहतो .पुढे तो आपआपल्या  इष्ट - तपश्चर्येने  नावारूपास येतो .आणि जग त्याला ओळखुलागते.
                             

                         त्यातही प्रकार असतात -कोणी महान तर कोणी लहान --नवखा - चार पावसाळे खाल्लेला - अर्ध्या हळकुंडाने पिवळा झालेला - एका रात्रीत नावारूपास आलेला .टी.वी.माध्यमामुळे तर घरोघरी ते लोक प्रिय होतात .पण काहीजण पावसाळ्यातील कुत्र्याच्या छत्री प्रमाणे उगवून केंव्हा दृष्टी आड होतात हेही कळत  नाही . 

                         काहीना मिळतो जन्म जात आई वडिलांचा वारसा तर काहीना नसतो त्यांचाही पत्ता.पण जगाच्या रंगभूमीवर तो चमकतो एखाद्या हिऱ्यासारखा.काहींचे तर भाग्यच थोर ते असतात बाल कलाकार होतात उमदे तरुण धडाडीचे-- आघाडीचे कलाकार .साप शिडीच्या खेळाप्रमाणे ते यशस्वीही होतात जीवनात .
                         जन्म जात संपतीचा नसतो त्यांचा संबंध.वेळ अन नशिबाची साथ व प्रयत्नाची कास धरली की लक्ष्मीही त्याची साथ  सोडीत  नाही .नख शिखांत त्याचा रुबाबही  दिसतो .सुवर्ण काळ संपताच अथवा घर फिरले की त्याचे वासेही फिरतात म्हणतात -- तसे काहीसे होते .
                         त्या काळात  यश्याच्या धुंदीत  व्यसनांच्या - कुसंगतीच्या नादी कसे  लागतात व आहारी कधी जातात  कळत देखील नाही.अन मग सुरु होतो घसरगुंडीचा डाव .---अन सुरु होते --  पिंजऱ्यात - अडकलेल्या पक्ष्याप्रमाणे तडफड करणारी अवस्था आणि व्यवस्थेचा वाजतो  पुरता बोजवारा .आणि जन्मतात एकच  प्याला --- वारंवार रिचविणारे ''तळीराम ''-- पारोच्या नादी लागणारे ''देवदास'' --तर कोणी घर देता का घर चा आक्रोश करणारे'' नटसम्राट'' ......असाही  निराळाच .
                         त्यातही अपवाद असते ती  एखादीच   '' गानकोकिळा '' ती ही  विरळाच .
                                              
                         डॉ .अरविंद वैद्य ....

// मी कोण.....? // ****** स्वतःचीच ओळख करून घेऊ या //

        ( आध्यात्मिक दृष्टी कोनातून )

                             

                    //  मी कोण.....? //  ******  स्वतःचीच ओळख करून घेऊ या //
                                             ------------------------------------              
                                               सहज राज योगाचे ज्ञानाने
                                   

                                           मी  कोण ..?  चक्रावलात ना या प्रश्नाने .

                    हा काय प्रश्न झाला . प्रत्येकजण स्वतःची  ओळख मी  ---माझे नाव--व्यवसाय --गाव ---कोणाचा मुलगा --काका-मामा-- अश्या प्रकारे  देतो .पण हा माझा हात आहे . हा माझा-----  पाय आहे . हे माझे शरीर  आहे .-------हे म्हणणारा -----कोण ?
                                           आपण  मी पाय आहे -- ----- मी हात आहे असे कधीही --- म्हणत नाही .
                    तर तो माझा --- म्हणणारा असतो तो आपला -----आत्मा---आपली प्रत्येकाची चैतन्यशक्ती.एक जीवंतपणाची जाणीव करून देणारी अगम्य अशी शक्ती .आणि त्याचे स्थान असते दोन्ही डोळ्यांच्या ''भृकूटीच्या मध्ये .
                                        
                    लौकिक अर्थाने एकाच व्यक्तीची----- ओळख वरील  प्रमाणे असणे सहाजिकच आहे .पण तो असतो नाते संबंध.अध्यामिक दृष्टी कोनातून
                                           प्रत्येकाची एक संध ----- ओळख म्हणजे --एक--'' आत्मा ''.
                    आत्म्याचे आवरणअसते - ते ---आपले शरीर----- जे बनले आहे रस --रक्त --मांस --मेद--अस्थी --मज्जा --शुक्र या सप्त धातूंनी व पंच महाभूतांनी (पृथ्वी --आप --तेज-- वायू --आकाश ) त्यातील तेज असते ते '' ओजाचे ''.तसेच आत्मा -पवित्रता -ज्ञान -शांती -प्रेम -सुख -आनंद -शक्ती या सात गुणांनी युक्त असा असतो '.त्यामुळेच व्यक्ती प्रसन्नचित्त दिसते .
                                           //   आध्यात्मिक ज्ञान ----म्हणजे आधी आत्म्याचे ज्ञान--------//

                    त्यामुळे शरीर व आत्मा हे प्रमुख   दोन  भाग झाले आपल्या----- '' मी '' चे .

                    त्यापैकी शरीर हे नाशवंत असते -----तर आत्मा हा अविनाशी असतो----- हे ही सर्वश्रुत आहेच .
                                           नैनं छिदन्ति शाश्त्राणि ---नैनं दहति पावक:''--------
                   शरीराची दैनंदिन स्वच्छता व निरोगी पणा  आवश्यकच असते .हे आपल्या सर्वांना ठाऊकच आहे .
                   त्यासाठी दररोज आंघोळ व योग्य आहार विहार ओघाने आलाच.

                   
                   जो आहार विहार करतो त्याचा परिणाम अर्थातच  आपल्या शरीरावर व आत्म्या वरही होणार असतो .
                   पण  सात्विक  '' आत्म्यासाठी '' थोडे  पथ्य पाणी असते त्याची दक्षता घेणे आवश्यक असते .
                   त्यासाठी मांसाहार -कांदा -लसून -उत्तेजक पेयपान व्यसन -रात्रीचे अती जाग्रण व कु -कर्म वर्ज्य असते .
                  
                   पण 'आत्मा' नावाच्या चैतन्य शक्तीकडे मात्र आपले  नकळत  '' दुर्लक्ष्य '' होत असते .
                   त्यामुळेच आपले शरीर मात्र  आजारी पडते --मलूल होते --निरुत्चाही होते--वेळ येताच नाशही पावते .
                   आपणास सुखी व निरोगी आयुष्य जगायचे असेल तर त्याची योग्य ती काळजी वेळीच घ्या                                त्यासाठी आवश्यक असते --मेडीटेशन --ध्यान धारणा --निरामय जीवन पद्धती .
                                                          
                                           ''  आत्म्याचे स्थान व त्याचे महत्व ''
                                   ******************************************
             '' आत्मा ''-हा दोन्ही भृकुटी च्या मध्य भागी निवास करतो . अर्थात आपण कपाळावर अथवा स्त्रिया कुंकुमतिलक लावतात ती जागा.
            आपण परमेश्वरास नमस्कार करताना  कळत न कळत त्याचे स्मरणही त्या जागी स्पर्श करून  करतच  असतो.त्या स्थानाला अत्यंत महत्व आहे .
            त्याचा आकार म्हणाल तर चक्क ''बिंदू '' स्वरूप .मूर्ती तर फारच लहान पण कीर्ती महानच---- !!!! आत्मा अमर आहे .त्याला मरण नाहीच.
            ( थोडक्यात आपल्या परिचयाच्या मोबाईल मध्ये -''-सीम कार्ड  ''--चे  जेवढे महत्व तेवढे .कारण मोबाईल कितीही मूल्यवान असला तरी त्यात सिमकार्ड  नसेल तर त्याचा काहीच उपयोग होऊ शकत नाही .)
            एखाद्याला संपवायची सुपारी घेतलेला क्रूर  कर्माही या आत्म्याचे ठिकाणीच आपली बंदूक रोखतो .पण त्यामुळे संपते ते--- शरीर कारण आत्मा दिसत नसतोच. वैरही असते ते बाह्य दिसणाऱ्या शरीराशी.आत्मा मात्र  आपले स्थान बदलून बेमालूम पणे दुसऱ्या आत्म्यात प्रवेश करतो.
                                                                
                                           आत्म्याचा आध्यात्मिक  प्रवास
                                            --------------------------------------
             हा  आपला आत्मिक प्रवास अखंडपणे  वर्षानु - वर्ष चालू आहे. आपले ''सृष्टीचक्र'' हे अविरत फिरत असते.               निसर्गात उन्हाळा -पावसाळा -हिवाळा हे  बारमाही ऋतुचक्र .मनुष्याचे बालपण -तारुण्य -म्हातारपण हे आयुष्याचे  चक्र .
             दिवसाचे पहाट--सकाळ -मध्यान्ह -रात्र हा दिनक्रम तर  घड्याळात वेळेची-- रात्री १२ ते दुपारी १२ अशी -- २४ ताशी धावपळ .
             आपल्या --सृष्टीचक्राचे प्रतिक आहे ते '' स्वस्तिक चिन्ह ''.
             याचा कालावधी असतो  ५००० वर्षाचा .त्याचे ४ भाग प्रत्येकी १२५० वर्ष कालावधीचे .
             ते  समोरून पाहिले असता घड्याळाचे चाली नुसार-त्याचे उजव्या बाजूचा  वरील भाग म्हणजे --सतयुग त्या खालील --त्रेता युग
             डावी कडील खालील --द्वापार  व त्या वरील-- कलीयुग
             कलियुग व सतयुग याचा संधी काल म्हणजे --संगम युग
                                -------------------------------------------------------------------
            आत्म्याचा प्रवास हा सृष्टी चक्रातून होताना त्यास ८४ वेळा जन्म- मरणाच्या फेऱ्यातून मार्गक्रमण करावे लागते.

             * सतयुगात ----    o८   जन्म  --- श्रीकृष्ण --लक्ष्मि नारायण या देवीदेवता रुपात ---लोकसंख्या --९ लाख --सूर्यवंशी

             * त्रेतायुग  ------  १२  जन्म ----श्रीराम -सीता यांचे देवी  देवता  रुपात    -------- लोकसंख्या ---३३ करोड --- चंद्रवंशी
                                           
             द्वापरयुग ------- २१ --जन्म --- येशू --इब्ब्राहीम- बुद्ध--नानक असे धर्म संस्थापक  ---- लोकसंख्या ---कांही कोटी

             * कलियुग -------- ४२ जन्म ---- आम जनता ------------------------------------------------- कांही करोड

              संगम युग ------- 0१  जन्म  
                               --------------
                       असे---- ८४ जन्म
                               -------------- 
             यापैकी  सत + त्रेता + संगम  = २१ जन्म हे  जन्म पुण्यवान आत्म्याचे प्रतिक -  म्हणून २१ आकडा शुभ -दुर्वा -मोदकांसाठी.
             ३३ करोड देवीदेवता --त्रेता युगा अखेर -- त्याचे प्रतिक -म्हणून '' ३३ अनारश्यांचे '' वाण अधिक मासात जावयास देतात .
                                                    
                            
                                                  *  आत्म्याचे ३ रूपे *
                                         स्थूल रूप - ------लौकिक रूप --    मानवी  शरीर  
                                         सूक्ष्म रूप ------अलौकिक रूप ----    आत्मा   
                                         सूक्ष्म बिंदू रूप ---- पारलौकिक रूप ---- परमात्मा
                                                 तीन लोक                                                                                                       पृथ्वी --- - सूक्ष्म वतन ------परम धाम 
                                                       
           सर्व आत्म्यांचा पिता म्हणजे ----परमेश्वर --निवास स्थान परमधाम-- हे एकमेव असून जन्म मरणाच्या फेऱ्यात येत नाहीत.
             आपण पृथ्वी तलावरील सर्व आत्मे  वरील प्रमाणे ८४ वेळेच्या जन्म -मरण बंधनात अडकलेलो असतो .त्यातून सुटका नसते .हा सृष्टीचा नियम आहे .
             जग ही एक रंगभूमी आहे .येथे  आपणास परमात्म्याने आप आपला प्रवेश कण्यास पाठविले आहे .नाटकामध्ये जसे पात्र आपला स्टेज वरील सहभाग संपताच विंगेत एक्झिट घेतो त्याप्रमाणे आपला पृथ्वीवरील कार्य भाग संपताच 'मरण 'रुपी एक्झिट घ्यावी लागते.त्यावर  आपले नियंत्रणनसते.त्यावर नियंत्रण फक्त 'परमात्म्याचे ' आपल्या पार अलौकिक पित्याचे असते .
                                          आत्म्याचा येथून पुढील प्रवास कसा असेल-----?
             सृष्टी चक्राचा ---  सध्या कली युगाचा  '' अती अखेरचा '' काल सुरु आहे .त्या वेळी परम पिता परमात्मा प्रत्यक्ष मानवी देहात अवतरतात .आपला परिचय देतात .आता आत्म्याचा पृथ्वी वरील कार्य भाग संपत आला आहे व सर्वाना आपल्या घरी जावयाचे आहे .तर मी तुम्हा सर्वाना नेण्यासाठी आलो आहे असे सांगतात .
                                                      
                                     
             ही  झाली आत्म्याची अर्थात  आपली स्वतःची स्वतःलाच  ओळख .याचा आपल्या व्यक्तिश: आयुष्यात कसा उपयोग करून घ्यावयाचायासाठी --राजयोग मेडीटेशन च्या ज्ञानाची ---ओळख असणे जरूर आहे .
             याची माहिती व प्रत्यक्ष्य '' राजयोग मेडीटेशन '' असा करावा हे  आपल्या घराजवळील --
           '' प्रजापिता ब्रह्माकुमारी ईश्वरीय विश्व विद्यालयाच्या''कोणत्याही केंद्रामध्ये मोफत मिळते .त्याचा अवश्य लाभ घ्यावा .
             यांचे माहितीने जीवनाला एक नवी दिशा मिळते .जीवनातील विविध कटू प्रसंगांना सामोरे जाण्याची शक्ती मिळते .
             आपल्यावरच  एखादा निराश होण्याचा प्रसंग का येतो ? त्यावर या ज्ञानाचा कसा  उपयोग  करून घ्यावयाचा याची सर्वांगीण जाणीव होते .
                             
 ''          थोडक्यात ,आपला मोबाईल दिवसभर वापरल्या नंतर जसा ब्याट्री---- उतरल्याने काम देईनासा  होतो .व त्यास पुन्हा चार्जिंगला लावावे लागते नंतर तो पुन्हा फ्रेश होतो .त्याच प्रमाणे आपला आत्मा '' ८४ जन्म -मरणाच्या'' फेऱ्यातून जातो .तसेच जीवन जगताना बाह्य परिणामांचा आपल्यावर कसा परिणाम होतो .त्यातून आध्यात्मिक  ज्ञानाने त्यावर मात करून आपले जीवन- सुखी -प्रसन्न -दीर्घायू -तेजपुंज कसे करायचे याचा मार्ग सापडतो.                                            याचा प्रत्यक्ष  या -आध्यात्मिक ज्ञानाचा  अनुभव घेण्यातच मजा आहे .
                          आम्ही तो घेत  आहोत .तुम्हीही अनुभव घेऊन पहा ***************
                                                    अनुभव हीच खात्री .
                                                      // ओम शांती //